RREGULLORE E ZHVILLIMIT TË LOJËS

Kjo rregullore (“Rregullorja”) ka për qëllim të vendosë rregulla të qarta për lojën promocionale dhe pjesmarrësit në lojën promocionale (“Loja Promocionale”) dhe është e vlefshme për kohëzgjatjen gjatë së cilës do të zhvillohet Loja Promocionale.

Loja promocionale do të lançohet dhe zhvillohet nga data 10 korrik 2024 ora 00:01 deri më 30 nëntor 2024 ora 23:59 nga Marketing & Distribution shpk, një shoqëri me seli në Autostradën Tiranë-Durrës, Km 10 Kashar, regjistruar në Regjistrin Tregtar me Vendim Nr.17675, me NIUS J72124001N.

Me anë të kësaj loje Promocionale, Marketing & Distribution ka për qëllim të promovojë produktet që tregton. Territori në të cilën do të zhvillohet Loja Promocionale do të jetë Republika e Shqipërisë.

1. Lloji i Lojës Promocionale

Loja Promocionale është konceptuar si një program besnikerie për blerësit e produkteve kafe Lavazza A Modo Mio dhe/ose kafe Lavazza NCC (sipas detajimit në tabelën nr.1 bashkangjitur rregullores). Për tu bërë pjesë e programit te besnikerise duhet të kryhet një blerje per nje nga produktet detajuar ne tabelen nr. 1 dhe në adresen www.luajlavazza.al te regjistrohet kodi unik promocional qe gjindet brenda paketimit. Gjatë regjistrimit të kodit blerësi duhet të japë dhe të dhënat personale (si emër, mbiemër, mosha, adresa, numri i telefonit, adresa e email-it etj).

2. Afatet e pjesëmarrjen në Lojën Promocionale

Platformat online për regjistrim në llotari do të lançohet më 10 korrik 2024 ora 00:01 deri më 30 nëntor 2024 ora 23:59.

3. Çmimet

Programi i besnikerise do te kete dhuratat si me poshte:

a) 5 pike te grumbulluara “1 Mbajtese per kapsulat e kafese” ose “ 1 Shishe termus uji”

b) 10 pike te grumbulluara “Çante plazhi Lavazza” ose “Peshqip plazhi Lavazza”

c) 20 pike te grumbulluara “Milk Easy (kapuçinator) + Filxhan transparent per kapucino” ose “Milk Easy (kapuçinator) + Set 2 filxhan per kapucino premium.

4. Pjesëmarrja

Mundësia e pjesmarrjes në llotari është e hapur për të gjithë blerësit 18 vjeç e sipër që bëjnë një blerje të produkteve kafe Lavazza A Modo Mio dhe/ose kafe Lavazza NCC qe Marketing & Distribution tregton (sipas detajimit ne tabelen nr. 1) në pikat e shitjes në territorin e Shqipërisë dhe regjistrojnë kodin promocional gjatë periudhës 10 korrik 2024 ora 00:01 deri më 30 nëntor 2024 ora 23:59.

Me regjistrimin online, konsumatori jep miratimin e tij për përfshirjen në këtë lojë duke pranuar automatikisht rregullat dhe mekanizmat e saj.

Për tu bërë pjesë e programit te besnikërisë Lavazza, blerësit duhet të ndjekin hapat e mëposhtme:

Faza e parë: Grumbullimi i pikeve:

a. Të blejnë në territorin e Shqipërisë një nga paketimet kafe Lavazza A Modo Mio dhe/ose kafe Lavazza NCC të listuara në Tabelën Nr.1

b. Të plotesojë online në faqen e internetit të organizatorit, www.luajlavazza.al, të dhënat personale (Emër, Mbiemër, datëlindje, numër telefoni, adresë, dhe adresë e-mail) si dhe kodin promocional qe gjendet brenda paketimit te blere.

c. Të ruajnë kodet promocionale të produkteve Lavazza A Modo Mio të regjistruara online

Me 5 kode promocionale Lavazza të regjistruara, konsumatori grumbullon 5 pikë që janë të barazvlefshme me 1 Mbajtese per kapsulat e kafese, ose 1 Shishe termus uji.

Me 10 kode promocionale Lavazza të regjistruara konsumatori grumbullon 10 pikë që janë të barazvlefshme me “Çante plazhi Lavazza” ose “Peshqip plazhi Lavazza”.

Me 20 kode promocionale Lavazza të regjistruara konsumatori grumbullon 20 pikë që janë të barazvlefshme me “Milk Easy (kapuçinator) + Filxhan transparent per kapucino” ose “Milk Easy (kapuçinator) + Set 2 filxhan per kapucino premium”.

Faza e dyte: Përzgjedhja e dhuratës.

Për përzgjedhjen e dhuratës çdo person që ka regjistruar kodet promocionale të kafe Lavazza A Modo Mio dhe/ose kafe Lavazza NCC online në www.luajlavazza.al duhet të ndjekë hapat e mëposhtme:

a. Të aksesoje llogarine e pikëve duke vendosur adresën e e-mail (adresa e e-mail duhet të jetë e njejtë me atë të vendosur gjatë regjistrimit të pikëve) në faqen https://sq.luajlavazza.al/points;

Në këtë moment përdoruesit i dërgohet një link i përkohshëm dhe duke klikuar tek linku përdoruesit do i shfaqet një faqe e cila do të paraqesë opsionet:

• Numri total i pikëve të grumbulluara;

• Lista e dhuratave që mund të përfitohet me nivelin e pikëve të grumbulluara.

b. Perdoruesi klikon mbi dhuraten që do të përzgjedhë dhe shtyp butonin “Konfirmo”

c. Mbas konfirmit të dhuratës, përdoruesi duhet të postoje në adresën e organizatorit kodet promocionale te kafe Lavazza A Modo Mio dhe/ose kafe Lavazza NCC të regjistruara.

Adresa e organizatorit:

Marketing & Distribution

Sektori i Marketingut

Rruga "Iliria", Nr.53, Tiranë, Shqipëri (Autostrada Tiranë-Durrës, Km 10, Kashar)

Regjistrimi

Çdo konsumator që kryen një blerje sipas kushteve të përcaktuar në pikën 4 më lart, bëhet pjesë e Lojës Promocionale.

5. Regjistrimi në Lojën Promocionale

Çdo konsumator që plotëson kushtet e pjesmarrjes si më sipër do të marrë pjesë në programin e besnikerise.

6. Konfirmimi i dhuratës

Mbasi konsumatori përzgjedh dhuratën, organizatori njoftohet me anë të në e-maili. Në ketë moment organizatori pret qe te marre me poste dhe kodet promocionale te derguara nga konsumatori. Mbas marrjes se zarfit organizatori kontrollon vlefshmerine e kodeve dhe numrin e kodeve te derguara me poste te perkoje me ato te regjistruar online. Ne rast se kosumatori ka ndjekur hapat komfront rregullores, organizatori konfirmon dhuraten e perzgjedhur. Ne kete moment emri i konsumatorit afishohet ne faqen e lojes.

7. Njoftimi i fituesit

Mbasi konfirmohet dhurata, emri i konsumatorit afishohet ne faqen e lojes. Ne kete moment organizatori fillon procedurat per dorezimin e dhurates nepermjet Postes Shqiptare.

Shperndarja e dhuratave do te kryehet brenda 15-20 diteve qe nga momenti i konfirmimit te dhurates. Ne momentin qe organizatori ben dorezimin e dhuruates tek Posta Shqiptare, fituesi do te njoftohem me ane te nje SMS ku do i behet me dije filiali i Postes Shqiptare ku duhet te paraqitet per marrjen ne dorezim te dhurates si dhe numri i gjurmimit te pakos.

8. Ruajtja e dokumentacionit

Çdo konsumator pjesmarrës në këtë Lojë Fati Promocionale pranon shprehimisht se Marketing & Distribution mund të përpunojë të dhënat e tyre personale sipas kësaj Rregulloreje për qëllime të kësaj Loje Fati Promocionale dhe për çdo qëllim tjetër të ligjshëm të Marketing & Distribution sipas ligjit “Për Mbrojtjen e të Dhënave Personale”.

I gjithë dokumentacioni i Lojës Promocionale, qoftë ky elektronik apo fizik (mënyra e zhvillit, numri i pjesmarrësve, çmimet e shpërndara, emrat dhe adresat e fituesve) do të ruhen për një periudhë jo më pak se 6 (gjashtë) vjet.

9. Publiciteti

Komunikimi i Lojës Promocionale do të bëhet në pikat e shitjes nëpermejt reklamimit me postera, banera, totem, dhe ekspozitorëve.

Marketing & Distribution rezervon të drejtën për të publikuar informacion në lidhje me fituesit. Në rast se kjo nuk është e pranueshme, fituesit duhet të njoftojnë paraprakisht me shkrim Marketing & Distribution , në momentin kur lajmërohen se janë fitues.

10. Forca madhore

Loja Promocionale mund të ndërpritet vetëm në rastin e rrethanave për të cilat Marketing & Distribution nuk është përgjegjëse, dmth., që nuk mund parandalohen, riparohen apo shmangen dhe në rast të ndonje urdhërimi sipas ligjeve në fuqi nga autoritetet shtetërore. Njoftimi për ndërprerjen e dhe çdo njoftimi tjetër i rëndësishëm në lidhje me lojën promocionale do të afishohet në pikën e shitjes ku ishte planifikuar te zhvillohej fushata promovuese.

11. Zgjidhja e mosmarreveshjeve

Në rast mosmarrëveshjes organi kompetent për zgjidhjen e tyre do të jetë Gjykata e Rrethit Gjyqësor Tiranë. Merret e mirëqënë që të gjithë pjesmarrësit në këtë lojë promocionale të kenë lexuar dhe pranuar kushtet e mësipërme.

TABELA NR. 1 (Lista e produkteve)